Drejtuesit e Dhomës së Tregtisë dhe Industrisë së Kosovës (DHTIK) u takuan me Guvernatorin e Bankës Qendrore të Kosovës (BQK), Ahmet Ismaili, për të diskutuar sfidat kryesore që përballen bizneset në qasjen në financa dhe sektorin e sigurimeve, përfshirë Kartonin e Gjelbër. Kryetari i Bordit të DHTIK-së, Skënder Krasniqi, theksoi problematikat që lidhen me kompetencat e BQK-së, ndërsa drejtori ekzekutiv, Kushtrim Ahmeti, shprehu shqetësimin për ndikimin negativ të bllokimit të ligjeve kyçe ekonomike për shkak të situatës politike dhe zgjedhjeve të parakohshme. Guvernatori Ismaili falënderoi DHTIK-un për ndarjen e sfidave dhe njoftoi për angazhimin e BQK-së në reforma që do të përfitojnë ekonominë dhe bizneset në përgjithësi. Të dyja palët shprehën gatishmërinë për një bashkëpunim më të ngushtë me qëllim adresimin dhe zgjidhjen e problemeve aktuale në sektorin financiar dhe ekonomik.