Banka Qendrore e Republikës së Kosovës (BQK) dhe Banka Qendrore e Francës kanë nënshkruar një konventë bashkëpunimi për avancimin e edukimit financiar në Kosovë. Kjo marrëveshje institucionalizon bashkëpunimin për zhvillimin e materialeve edukative të besueshme, neutrale dhe pa pagesë, të përshtatura për qytetarët kosovarë. Partneriteti do të mundësojë organizimin e ngjarjeve të përbashkëta, shkëmbimin e praktikave më të mira dhe zgjerimin e programeve edukative me qëllim forcimin e kulturës financiare në vend. BQK-ja e sheh këtë bashkëpunim si një investim afatgjatë për fuqizimin e qytetarëve, mbrojtjen e konsumatorëve dhe rritjen e besimit në sistemin financiar të Kosovës.