Këshilli Bashkiak i Tiranës ka miratuar një projektvendim për kompensimin e shoqërive të transportit publik me 50 lekë për litër karburant për një periudhë tre mujore, nga marsi deri në maj 2026. Ky vendim vjen si përgjigje ndaj krizës globale energjetike dhe rritjes rekord të çmimeve të naftës, që kanë ndikuar ndjeshëm në kostot operacionale të sektorit të transportit, i cili përbën rreth 98% të volumit të transportit në Shqipëri. Efekti financiar i masës parashikohet të jetë rreth 250 milion lekë, të cilat do të mbulohen nga fondi rezervë i buxhetit të shtetit dhe buxheti i Bashkisë së Tiranës për linjat urbane. Përfituesit duhet të paraqesin dokumentacionin e nevojshëm dhe kërkesat për kompensim do të pranohen deri më 1 gusht 2026, duke u verifikuar nga administrata tatimore, me qëllim lehtësimin e barrës financiare të operatorëve dhe shmangien e rritjes së çmimeve për qytetarët.