Inspektorati Qendror i Mbikëqyrjes së Tregut (IQMT) ka paralajmëruar prodhuesit, marketet dhe subjektet që tregtojnë produkte të qumështit për tërheqjen e menjëhershme nga tregu të produkteve të konstatuara si të papërputhshme, sipas raporteve zyrtare të Agjencisë së Ushqimit dhe Veterinarisë (AUV). Nga data 14 gusht 2026, IQMT do të intensifikojë kontrollet në të gjitha bizneset që tregtojnë këto produkte dhe do të aplikojë masa ndëshkuese ndaj atyre që nuk i tërheqin produktet brenda afatit të kërkuar. Gjobat për personat juridikë mund të arrijnë deri në 9 mijë euro, ndërsa mosveprimi konsiderohet shkelje ligjore dhe cenim i të drejtave të konsumatorëve. Ministria e Industrisë, Ndërmarrësisë, Tregtisë dhe Inovacionit (MINTI) dhe IQMT i bëjnë thirrje bizneseve të veprojnë me përgjegjësi për të garantuar sigurinë e konsumatorëve dhe respektimin e ligjit.