Dhjetëra blegtorë nga rajone të ndryshme të Kosovës janë mbledhur sot në shenjë përkrahjeje për kompaninë e qumështorës ‘’VITA’’, pas vendimit të Ministrisë së Bujqësisë për mbylljen e saj. Ata kanë sjellë me vete dhjetëra traktorë që kanë arritur te fabrika, duke treguar solidaritetin e tyre ndaj kompanisë. Inspektorët e Ministrisë, pas përfundimit të inspektimeve, nuk kanë dhënë asnjë përgjigje për mediat lidhur me arsyet e mbylljes. Situata mbetet e tensionuar ndërsa blegtorët presin zhvillime të mëtejshme.