Për shkak të temperaturave të larta dhe mungesës së kullosave në zonat e ulëta, bletarët po zhvendosin kosheret në bjeshkë gjatë muajve të verës për të siguruar prodhim më të lartë dhe cilësi më të mirë të mjaltit. Kushtet klimatike më të favorshme, larmia e bimësisë dhe burimet e shumta ujore në zonat malore ndikojnë pozitivisht në zhvillimin e bletëve dhe shëndetin e tyre, duke reduktuar rrezikun nga sëmundjet.