Aleanca Kosovare e Bizneseve (AKB) ka shprehur shqetësim për bllokimin e ngushticës së Hormuzit nga ushtria iraniane, që po pengon kalimin e anijeve dhe tankerëve të naftës në këtë rrugë kyçe. Ngushtica e Hormuzit është një pikë strategjike që transporton rreth 20% të furnizimit global me naftë, duke përfshirë vendet e Gjirit Persik dhe destinacionet kryesore si Evropa, Kina dhe India. Bllokimi ka shkaktuar ndalimin e qindra cisternave dhe tankerëve, duke rrezikuar furnizimin global dhe duke shkaktuar rritje të menjëhershme të çmimeve të derivateve të naftës. AKB paralajmëron se kjo situatë do të ndikojë drejtpërdrejt edhe në ekonominë e Kosovës, e cila nuk ka rezerva të mjaftueshme të derivateve, dhe kërkon nga institucionet që të jenë të përgatitura për çdo skenar në tregun e energjisë.