Guvernatori i Bankës Qendrore të Kosovës, Ahmet Ismaili, priti në takim Tobias Adrian, Krye-Këshilltarin Financiar të Fondit Monetar Ndërkombëtar, ku diskutuan sfidat dhe prioritetet strategjike për sektorin financiar të vendit. U theksua rëndësia e forcimit të mbikëqyrjes së bazuar në rrezik, avancimit të kornizës rregullative dhe zbatimit të politikave makroprudenciale për të ruajtur stabilitetin financiar dhe për të përafruar Kosovën me standardet evropiane. Në fokus ishin gjithashtu modernizimi i sistemeve të pagesave, digjitalizimi financiar, mbrojtja e konsumatorëve dhe zhvillimi i kapaciteteve institucionale. Takimi u zhvillua në kuadër të Konferencës Rajonale për kornizat e politikave dhe rregullimit në një mjedis në ndryshim, duke reflektuar nevojën për politika të kujdesshme dhe qëndrueshmëri institucionale përballë sfidave globale.