Kryetarja e Kuvendit të Kosovës dhe U. D. e Presidentes, Albulena Haxhiu, mori pjesë në hapjen e Festivalit Ndërkombëtar të Domates në Mamushë, duke theksuar rëndësinë e bujqësisë si një nga shtyllat kryesore të ekonomisë së vendit. Ajo vlerësoi punën e palodhshme të fermerëve, grave dhe të rinjve që kontribuojnë në cilësinë dhe njohjen e prodhimeve të Mamushës. Haxhiu shprehu besimin se domatja e Mamushës do të zërë gjithnjë e më shumë vend në tregje, duke forcuar emrin e komunës për traditën dhe cilësinë e saj. Festivali u cilësua si një urë lidhëse mes prodhuesve, bizneseve dhe qytetarëve, që promovon potencialin e jashtëzakonshëm të bujqësisë në Kosovë.