Çmimet e biletave të avionit në Zvicër janë rritur mesatarisht me 70 për qind gjatë pesë viteve të fundit, sipas një analize të platformës zvicerane Comparis. Kjo rritje e ndjeshme lidhet kryesisht me kostot në rritje të karburantit dhe mirëmbajtjes së avionëve, duke ndikuar më shumë në fluturimet e gjata dhe ndërkontinentale. Ekspertët paralajmërojnë se trendi i shtrenjtimit pritet të vazhdojë edhe gjatë 12 muajve të ardhshëm, duke e bërë më të kushtueshme planifikimin e udhëtimeve jashtë Evropës. Kërkesa për udhëtime ajrore është rikthyer fuqishëm pas pandemisë, por kompanitë po përballen me sfida të reja financiare për të mbuluar kostot operative në rritje.