Çmimet e derivateve të naftës në Kosovë për ditën e sotme kanë mbetur pothuajse të pandryshuara në krahasim me ditën e kaluar. Sipas Ministrisë së Industrisë, Ndërmarrësisë, Tregtisë dhe Inovacionit, një litër naftë shitet me çmim maksimal prej 1.68 euro, ndërsa benzina dhe gazi kushtojnë përkatësisht 1.47 dhe 0.85 euro për litër. Ndërkohë, që nga fundi i shkurtit, çmimet e derivateve kanë pësuar rritje për shkak të konfliktit mes Shteteve të Bashkuara, Izraelit dhe Iranit, i cili ka ndikuar në tregjet globale të naftës, sidomos për shkak të mbylljes së ngushticës së Hormuzit.