Inspektorati Qendror i Mbikëqyrjes së Tregut në Ministrinë e Industrisë, Ndërmarrësisë, Tregtisë dhe Inovacionit po realizon mbikëqyrje intensive për zbatimin e vendimit të datës 04.03.2026 për rregullimin e përkohshëm të çmimeve të derivateve të naftës dhe masave mbrojtëse për konsumatorët. Sipas të dhënave zyrtare nga Dogana e Kosovës, çmimi mesatar i importit për naftë (dizel) ishte 1.42 €/litër dhe për benzinë 1.17 €/litër më 12.03.2026. Në tregun vendor, çmimet e shitjes me pakicë variojnë nga 1.44 deri në 1.54 €/litër për naftë dhe nga 1.18 deri në 1.31 €/litër për benzinë, duke mos shënuar ndryshime nga periudha e mëparshme. Marzha tregtare maksimale e lejuar është vendosur në 2 eurocentë për shumicë dhe 12 eurocentë për pakicë për litër, ndërsa inspektorati bashkë me Administratën Tatimore dhe Autoritetin e Konkurrencës do të ndërmarrin masa rigoroze ndaj çdo shkeljeje për të mbrojtur konkurrencën dhe konsumatorët.