Bordi i Transparencës ka vendosur çmimet e reja për karburantet, të cilat do të hyjnë në fuqi nga data 2 maj 2026, ora 16:00, dhe do të mbeten në fuqi deri në mbledhjen e radhës. Çmimet maksimale të naftës janë përcaktuar në 206 lekë për litër me pakicë dhe 194 lekë me shumicë, ndërsa benzina do të shitet deri në 184 lekë për litër me pakicë dhe 172 lekë me shumicë. Operatorët e tregut janë të detyruar të zbatojnë këto çmime dhe në rast shkeljesh do të përballen me masa, përfshirë pezullimin e aktivitetit. Ministritë e Ekonomisë, Financave dhe Infrastrukturës janë angazhuar për mbrojtjen e konsumatorëve dhe garantimin e konkurrencës së ndershme në treg, ndërsa akciza do të aplikohet në nivelin e plotë prej 100%.