TAV Maqedoni ka njoftuar se taksat dhe tarifat në aeroportet e Shkupit dhe Ohrit nuk do të ndryshojnë për momentin, pavarësisht paralajmërimeve për rritje të mundshme për shkak të krizës globale të karburantit. Shoqata Ndërkombëtare e Transportit Ajror kishte paralajmëruar se rritjet e çmimeve të biletave dhe taksave ishin të pashmangshme, ndërsa disa linja ajrore kanë shkurtuar ose anuluar itineraret e tyre. Deri tani, vetëm linja ajrore gjermane Lufthansa ka anuluar fluturimet në linjën Shkup-Frankfurt, ndërsa TAV Maqedoni monitoron situatën dhe vazhdon investimet në cilësinë dhe sigurinë e shërbimeve. Kompania thekson se nuk ka informacione zyrtare për pezullime të tjera nga linjat e tjera ajrore.