Ministria e Ekonomisë dhe Punës njofton se nuk ka nevojë për masa të reja për kufizimin e çmimeve të ushqimeve, pasi për të dytin muaj radhazi është regjistruar ulje e çmimeve në këtë kategori. Inflacioni vjetor në korrik ishte 2.3%, ndërsa ai mujor vetëm 0.1%, duke treguar stabilitet në treg. Rritja e kostos së jetesës gjatë korrikut lidhet kryesisht me faktorë sezonalë si transporti dhe shërbimet rekreative. Ministrja e Financave, Gordana Dimitrieska-Koçoska, theksoi se ulja e inflacionit është një sinjal pozitiv për ekonominë, e mbështetur edhe nga rritja e eksportit, prodhimit industrial, punësimit dhe të ardhurave tatimore.