Çmimi i naftës në tregun me pakicë në Kosovë ka arritur deri në 1.60 euro për litër, duke reflektuar rritjen globale të çmimeve si pasojë e përshkallëzimit të konfliktit në Lindjen e Mesme. Sipas kryetarit të Shoqatës së Naftëtarëve, Fadil Berjani, çmimet variojnë nga 1.53 deri në 1.60 euro për litër naftë dhe nga 1.34 deri në 1.38 euro për litër benzinë. Rritja e çmimeve është ndikuar edhe nga vendimi i Ministrisë së Tregtisë për caktimin e marzhës tregtare, që përcakton fitime prej 2 cent për shitjet me shumicë dhe 12 cent për shitjet me pakicë.