Më 2 prill në Prishtina Mall do të hapet zyrtarisht dyqani i parë i Decathlon në Kosovë, duke shënuar hyrjen strategjike të këtij lideri global në tregun lokal dhe rajonal. Dyqani do të ofrojë një hapësirë prej rreth 3,000 metra katrorë me mijëra artikuj për mbi 70 disiplina sportive, duke përfshirë sportet individuale, ekipore, fitnesin, mirëqenien dhe aventurat në natyrë. Koncepti i Decathlon synon të bëjë sportin të qasshëm për të gjithë, duke ofruar një eksperiencë blerjeje moderne, interaktive dhe të orientueshme sipas standardeve ndërkombëtare. Hapja e këtij dyqani pritet të jetë një ngjarje e rëndësishme për sportdashësit dhe tregun e pajisjeve sportive në Kosovë dhe rajon.