Lidhja e Sindikatave të Maqedonisë ka kërkuar që paga minimale të rritet në 600 euro, një kërkesë që ka marrë mbështetje edhe nga opozita përmes një propozimi ligjor të ri. Ministri i Ekonomisë dhe Punës, Besar Durmishi, ka deklaruar se Qeveria është e hapur për dialog dhe diskutim mbi ndryshimin e formulës së përllogaritjes së pagës minimale, duke theksuar nevojën për marrëveshje kolektive dhe bazimin në parametra realë ekonomikë. Ai ka paralajmëruar se kjo çështje do të diskutohet së shpejti në Këshillin Ekonomik-Social, ku do të shqyrtohen edhe kontradiktat mes pagave të sektorëve të ndryshëm. Ministria ka përmbushur disa hapa kyç në agjendën e reformave dhe pret të përfitojë rreth 20 milionë euro nga Bashkimi Evropian përmes këtyre masave.