Dogana e Kosovës po merr pjesë në Sesionin e 46-të të Komitetit të Zbatimit të Organizatës Botërore të Doganave në Bruksel, ku diskutohen prioritetet strategjike dhe operacionale në fushën doganore. Në fokus janë përmirësimi i kornizës rregullative, zhvillimi i instrumenteve moderne dhe rritja e përdorimit të teknologjisë dhe analizës së të dhënave në proceset operative. Dogana e Kosovës është renditur e 7-ta nga 119 vende në operacionin ndërkombëtar “STOP IV” kundër mallrave të falsifikuara, duke treguar përkushtimin dhe kapacitetet profesionale në zbatimin e ligjit dhe mbrojtjen e tregut. Pjesëmarrja aktive në këto mekanizma ndërkombëtarë konfirmon rolin e saj si partner i besueshëm dhe kontribues në avancimin e standardeve doganore dhe bashkëpunimin global kundër aktiviteteve të paligjshme.