Dogana e Kosovës ka arritur një rekord historik duke inkasuar mbi 1 miliard e 7 milionë euro të hyra, që përbën një rritje prej 5.5% krahasuar me të njëjtën periudhë të vitit të kaluar. Ky sukses është rezultat i performancës së qëndrueshme ekonomike, bashkëpunimit të ngushtë me sektorin privat, respektimit të ligjit nga bizneset dhe luftës më efikase kundër ekonomisë joformale. Një zhvillim kyç i këtij viti është zbatimi i sistemit të deklarimit para arritjes së mallrave, i mundësuar pas shtetëzimit të plotë të terminaleve doganore dhe heqjes së pagesave për përdorimin e tyre. Dogana e Kosovës thekson se do të vazhdojë investimet dhe përpjekjet për përmirësimin e shërbimeve dhe rritjen e kapaciteteve operative në të ardhmen.