Kompania kosovare “Drena” ka arritur të bëhet aksionare e dytë në një nga qumështoret më të vjetra në Poloni, duke shënuar një hap të rëndësishëm në zgjerimin e saj në tregun evropian. Ky sukses vjen pas disa muajsh angazhim dhe tregon përkushtimin dhe përvojën e “Drenës” në industrinë e qumështit, duke e pozicionuar atë si një prodhues “Made in EU” në një nga rajonet më të zhvilluara blegtorale në Evropë. Ky bashkëpunim shënon fillimin e një kapitulli të ri për brandin, me produktet që pritet të jenë më afër konsumatorëve europianë në të ardhmen e afërt. Kompania premton të vazhdojë të mbështesë fuqishëm edhe tregun vendas në Kosovë, duke ruajtur lidhjen me bashkëpunëtorët dhe konsumatorët e saj.