Ministria e Arsimit dhe Shkencës ka miratuar një ulje prej 10% të çmimeve për tekstet shkollore për vitin 2026/2027, vendim i cili u bë publik vetëm pesë ditë para fillimit të vitit shkollor. Shtëpia botuese “Dukagjini”, e cila kishte filluar shitjen e librave para këtij vendimi, ka njoftuar se do t’u kthejë diferencën prindërve që kanë blerë tekstet me çmime më të larta. Për të përfituar nga rimbursimi, blerësit duhet të paraqiten në pikën e shitjes me kuponin ose faturën e blerjes. “Dukagjini” ka garantuar se do të bëjë të gjitha veprimet e nevojshme për të siguruar një proces të rregullt dhe transparent të kthimit të parave.