Enti Shtetëror i Statistikës së Maqedonisë njofton se gjatë periudhës janar-maj 2026, eksporti i mallrave është rritur me 5.7%, ndërsa importi me 5.9% krahasuar me të njëjtën periudhë të vitit 2025. Vlera totale e eksportit arriti në mbi 217 miliardë denarë, ku produktet kryesore përfshijnë katalizatorët me metale të çmuara dhe pjesë për automjete, aeroplanë dhe anije. Nga ana tjetër, importet kryesore përbëhen nga platini dhe lidhjet e tij, vajrat e përftuara nga mineralet bituminoze dhe automjetet motorike për transportin e personave. Në këtë periudhë, më shumë se gjysma e shkëmbimeve tregtare u realizuan me Gjermaninë, Britaninë e Madhe, Kinën, Greqinë dhe Serbinë, ndërsa vendet e Bashkimit Evropian përbënin 58.2% të tregtisë së jashtme.