Banka Qendrore Evropiane ka prezantuar 10 dizajne finale për serinë e ardhshme të kartëmonedhave euro, të ndara në dy tema kryesore: “Kultura evropiane” dhe “Lumenjtë dhe zogjtë”. Në temën e parë, figura historike si shkencëtarja Marie Kyri-Skłodoëska dhe kompozitori Ludëig van Beethoven janë propozuar për kartëmonedhat 20 dhe 10 euro, ndërsa në pjesën e pasme shfaqen elemente kulturore si kori dhe biblioteka. Tema e dytë simbolizon lirinë dhe unitetin evropian përmes peizazheve lumore dhe zogjve, me institucione si Banka Qendrore Evropiane dhe Parlamenti Evropian në kartëmonedhat përkatëse. Qytetarët evropianë mund të japin mendimet e tyre përmes një ankete publike deri më 21 shtator, ndërsa vendimi për dizajnin final pritet të merret në fund të vitit 2026.