Fabrika e Përpunimit të Qumështit “Vita” ka ftuar ministrin e Bujqësisë, Armend Muja, të vizitojë ambientet e saj më 8 korrik 2026 për të parë nga afër procesin e prodhimit dhe pranimin e qumështit nga fermerët. Kjo ftesë vjen pas inspektimeve të Agjencisë së Ushqimit dhe Veterinarisë më 2 korrik dhe pas deklaratave të ministrit në media lidhur me cilësinë e produkteve të fabrikës. “Vita” synon të krijojë një dialog të hapur dhe transparent me institucionet, duke prezantuar të gjithë zinxhirin e punës dhe sfidat që përballen në sektorin e qumështit në Kosovë. Kompania thekson se dyert e saj janë të hapura për ministrin dhe për një komunikim të drejtpërdrejtë mbi të ardhmen e këtij sektori.