Kryetari i Federatës Sindikale të Bujqve, Tahir Tahiri, ka vlerësuar se kërkesat e fermerëve të qumështit janë të drejta, por protesta e tyre para Ministrisë së Bujqësisë ishte në adresën e gabuar. Problemi kryesor lidhet me kompaninë përpunuese “Vita” dhe kontrollin e Agjencisë së Ushqimit dhe Veterinarisë (AUV), e cila ka ndërhyrë për shkak të dyshimeve për keqpërdorime në prodhimin e qumështit. Tahiri thekson se përdorimi i qumështit pluhur nga përpunuesit gjatë periudhës së hiperprodhimit dëmton fermerët vendorë, pasi përpunuesit e preferojnë përfitimet ekonomike më të larta. Ai u bën thirrje fermerëve që të presin rezultatet e analizave dhe të drejtojnë protestat e tyre ndaj kompanisë “Vita” ose AUV-it, në vend të Ministrisë së Bujqësisë, pasi ky institucion ka të drejtë të kontrollojë prodhimin për mbrojtjen e konsumatorëve.