Ministri i Bujqësisë në detyrë, Armend Muja, ka sqaruar arsyet pse aviokompanitë janë mbështetur nga qeveria dhe jo fermerët në mënyrë të drejtpërdrejtë. Ai theksoi se fermerët janë përkrahur vitin e kaluar për naftën dhe plehun artificial, ndërsa këtë vit do të kompensohen sërish për këto shpenzime, duke përfshirë edhe fermerët e rinj dhe ata që punojnë hektarin e parë. Muja njoftoi se pagesat për grurin do të rriten ndjeshëm, nga 120 euro në vitin paraprak në 460-600 euro këtë vit. Këto masa synojnë të përmirësojnë mbështetjen ndaj sektorit bujqësor, duke adresuar shqetësimet për ndarjen e ndihmave mes sektorëve të ndryshëm.