Ministria e Financave e Kosovës ka nënshkruar një marrëveshje granti me Bankën Gjermane për Zhvillim (KfW) në vlerë prej 5 milionë euro për projektin e zhvillimit dhe modernizimit të rrjetit të transmisionit të energjisë elektrike. Ky financim do të mbështesë investime të rëndësishme për forcimin e infrastrukturës së transmisionit, rritjen e sigurisë dhe besueshmërisë së furnizimit me energji, si dhe avancimin e integrimit të tregut energjetik në Kosovë. Ministri i Financave, Hekuran Murati, vlerësoi angazhimin e KOSTT-it në realizimin e projektit dhe theksoi rëndësinë e mbështetjes së KfW-së për investimet prioritare në sektorin energjetik. Drejtori i KfW-së për Kosovë dhe Kryeshefi Ekzekutiv i KOSTT-it konfirmuan gatishmërinë për vazhdimin e bashkëpunimit dhe theksuan se projektet po realizohen sipas planit, duke synuar një sistem energjetik më të qëndrueshëm dhe modern.