Fondi Monetar Ndërkombëtar (FMN) konfirmoi stabilitetin dhe qëndrueshmërinë e ekonomisë së Maqedonisë së Veriut në raportin e tij për vitin 2026, duke vlerësuar rritjen ekonomike prej 3.5% në vitin 2025, e nxitur nga investimet dhe konsumimi privat. FMN-ja përgëzon angazhimin e Qeverisë dhe Ministrisë së Financave për konsolidimin fiskal, uljen e deficitit buxhetor dhe menaxhimin e përgjegjshëm të borxhit publik, duke theksuar rëndësinë e vazhdimit të reformave strukturore dhe përmirësimit të klimës afariste. Raporti nënvizon nevojën për monitorim të kujdesshëm të risqeve të jashtme, sidomos në kushtet e pasigurisë së tregjeve ndërkombëtare dhe rritjes së çmimeve të energjisë. Gjithashtu, FMN-ja rekomandon përforcimin e administratës tatimore, reformën në sektorin energjetik dhe masat për rritje ekonomike gjithëpërfshirëse dhe përafrimin me standardet e Bashkimit Evropian.