Ministrja në detyrë e Industrisë, Ndërmarrësisë dhe Tregtisë, Mimoza Kusari-Lila, ka njoftuar se po finalizohet Ligji për Tregtinë e Brendshme, i cili synon të forcojë pozitën e produkteve vendore në tregun e Kosovës. Në Ditën Botërore të Qumështit, ajo mori pjesë në një mini-panair në Gjakovë ku u promovuan produktet vendore të qumështit dhe u diskutuan sfidat e mundësitë e sektorit të qumështit, një nga shtyllat kryesore të prodhimit vendor.