Shqipëria vazhdon të jetë një destinacion i preferuar turistik në rajon, me turistët europianë që dominojnë sezonin veror, duke përbërë 83% të vizitorëve të huaj. Sipas një sondazhi të realizuar me 1,000 turistë, Franca është shteti me numrin më të madh të vizitorëve, me 17%, ndjekur nga Italia me 13% dhe Gjermania me 12%. Përveç Evropës, pjesëmarrje kanë edhe turistë nga Azia, Amerika e Veriut, Amerika e Jugut, Oqeania dhe Afrika, megjithëse në përqindje më të ulëta. Kjo përbërje tregon zgjerimin e interesit ndërkombëtar për Shqipërinë, duke vënë në pah atraktivitetin e saj natyror, kulturor dhe bregdetar.