BKT Kosova dhe Dhoma Ekonomike e Grave të Kosovës (G7) organizuan një tryezë të rrumbullakët për të diskutuar fuqizimin e grave ndërmarrëse përmes rrjetëzimit profesional dhe mbështetjes ligjore dhe financiare. Ky aktivitet nxori në pah sfidat strukturore që përballen gratë në tregun e punës, ku vetëm 20% e tyre janë pjesë e fuqisë punëtore në Kosovë, një nga nivelet më të ulëta në Evropë. Në tryezë u prezantuan skema financiare të dedikuara për gratë ndërmarrëse dhe u theksua rëndësia e bashkëpunimit ndërinstitucional për avancimin e rolit të tyre në zhvillimin ekonomik të vendit. Pjesëmarrës ishin përfaqësues të institucioneve financiare dhe publike, si dhe rreth 50 gra nga sektorë të ndryshëm ekonomikë, duke reflektuar përkushtimin e vazhdueshëm për një zhvillim më të qëndrueshëm dhe gjithëpërfshirës.