Komuna e Fushë Kosovës ka siguruar një grant prej 1.01 milion eurosh për financimin e programeve të banimit, duke përfshirë renovimin dhe rindërtimin e shtëpive të familjeve në nevojë. Nga kjo shumë, 625 mijë euro do të përdoren për rinovimin e shtëpive private të familjeve të cenueshme, ndërsa 385 mijë euro janë dedikuar për rindërtimin e tyre. Kryetari Valon Prebreza thekson se ky investim nuk është vetëm në infrastrukturë, por ka për qëllim përmirësimin e kushteve të jetesës, sigurisë dhe mirëqenies së përfituesve. Komuna do të vazhdojë të fokusohet në mbështetjen e familjeve më të rrezikuara, duke krijuar kushte më të mira dhe më të denja për banim.