Një delegacion i Aleancës Kosovare të Bizneseve (AKB) mori pjesë në hapjen e sezonit turistik 2026 në Gardenland Resort Hotel në Bushat, Shkodër, Shqipëri. Kryetari i AKB-së, Agim Shahini, vlerësoi vizionin dhe punën e palodhshme të pronarit Përparim Raboshta dhe bashkëpunëtorëve të tij, duke e cilësuar resortin si një model të funksionimit 365 ditë në vit dhe një shembull për zhvillimin e turizmit dhe ekonomisë në Kosovë dhe Shqipëri. Në shenjë respekti dhe bashkëpunimi kombëtar, AKB i dhuroi zotit Raboshta një palë këpucë të qëndisura me flamurin e Kosovës dhe Shqipërisë, prodhim vendor nga kompania Solid në Suharekë, si simbol i bashkëpunimit ekonomik mes bizneseve shqiptare. AKB uroi që sezoni turistik 2026 të jetë i jashtëzakonshëm, me shumë vizitorë dhe suksese për Gardenland Resort, duke theksuar rëndësinë e ecjes së përbashkët përpara të turizmit dhe bizneseve shqiptare.