Qeveria greke ka ndërmarrë masa emergjente për të frenuar rritjen e çmimeve dhe fitimet e padrejta në sektorët e karburanteve, ushqimeve dhe mallrave bazë, si pasojë e tensioneve ndërkombëtare dhe krizës në Lindjen e Mesme. Është vendosur një tavan mbi marzhin e fitimit, ku në tregtinë me shumicë të karburanteve kufiri është 5 cent për litër, ndërsa në shitjet me pakicë 12 cent për litër. Për supermarketet, nëse tejkalojnë marzhet mesatare të fitimit të vitit 2025, do të përballen me gjoba deri në 5 milionë euro. Masat, që do të qëndrojnë në fuqi deri në fund të qershorit, synojnë të parandalojnë përfitimet e padrejta dhe të mbrojnë konsumatorët në një situatë të pasigurtë ekonomike dhe energjetike.