Komuna e Hanit të Elezit, në bashkëpunim me organizatën LAB dhe mbështetjen e TITAN Sharrcem, ka shpallur Thirrjen Publike 2026 për mbështetje investive. Ky program synon të ndihmojë fermerët individualë në sektorin e perimtarisë, gratë sipërmarrëse në fushën e dizajnit dhe rrobaqepësisë, si dhe bizneset lokale me ide inovative për krijimin ose zgjerimin e kapaciteteve prodhuese dhe shërbyese. Financimi ofrohet në bashkëfinancim, ku deri në 80% të kostos mbulohet nga LAB dhe Komuna, ndërsa përfituesi kontribuon me 20%, me një vlerë maksimale prej 4 mijë eurosh për projekt. Afati për aplikim është deri më 31 korrik 2026, dhe të drejtë aplikimi kanë banorët e Hanit të Elezit që plotësojnë kriteret e përcaktuara në thirrje.