Një raport i Gjykatës Evropiane të Auditorëve ka zbuluar se gjendja e hekurudhave të Kosovës në vitin 2025 është më e keqe se para nisjes së investimeve milionëshe para 10 vitesh. Pavarësisht dhjetëra milionë eurove nga Bashkimi Evropian dhe Qeveria e Kosovës, projektet e rehabilitimit të rrjetit hekurudhor nuk janë përfunduar dhe infrastruktura është në gjendje më të keqe, ndërsa transporti hekurudhor është ndërprerë që nga viti 2020 për shkak të dëmtimeve gjatë punimeve. Raporti thekson vonesa të mëdha, mungesë menaxhimi efektiv dhe mungesë afatesh të qarta për përfundimin e punimeve, duke vënë në dyshim arritjen e objektivit për vitin 2030. Gjendja problematike nuk është vetëm në Kosovë, por edhe në vende të tjera të Ballkanit Perëndimor, ku projektet hekurudhore po hasin vështirësi të ngjashme.