Analisti ekonomik Abil Baush thekson se nuk është problem që shteti po merr hua, por mënyra dhe kushtet me të cilat po bëhet kjo huamarrje janë shqetësuese. Qeveria ka njoftuar për një huamarrje të re prej 260 milionë eurosh, ndërsa vazhdon të theksojë se Maqedonia është ndër vendet me rritjen më të lartë ekonomike në Evropë. Baush sqaron se rritja ekonomike dhe huamarrja nuk duhet të përzihen si tregues, pasi parametrat e tyre janë të ndryshëm dhe nuk japin një panoramë të qartë të situatës ekonomike. Ai nxit një analizë më të thelluar mbi çmimin që po paguhet për këto hua dhe ndikimin e tyre në ekonominë kombëtare.