Nga 26 gushti, pacientët me organe të transplantuar do të marrin falas ilaçin Myfortic në barnatoret kontraktuese të Fondit për Sigurim Shëndetësor. Ky vendim vjen pas përfundimit të të gjitha procedurave dhe miratimeve të nevojshme nga Bordi Drejtues, si dhe ndryshimeve në Kodifikimin e barnave. Ilaçi, i cili është thelbësor për terapi afatgjatë, më parë kushtonte 615 denarë për dozën 180 mg dhe 1.439 denarë për dozën 360 mg, por tani do të ofrohet pa pagesë shtesë për pacientët. Ky ndryshim u realizua për të shmangur barrën financiare mbi pacientët, duke ruajtur efektin e uljes së çmimeve dhe duke siguruar kursime për Fondin, që pritet të arrijnë rreth një milion denarë për gjysmën e dytë të vitit 2026.