Të martën, Inspektorët e Ministrisë së Tregtisë dhe Administratës Tatimore të Kosovës zhvilluan kontrolle të shumta në pikat e derivateve për të verifikuar çmimet e naftës, benzinës dhe gazit, si dhe dokumentacionin përkatës. Inspektimet përfshinin kërkimin e licencave, kuponëve fiskalë dhe raporteve të shitjeve dhe blerjeve, me qëllim të kontrollit të zbatimit të vendimeve për marzhën tregtare dhe çmimet maksimale të përcaktuara nga MINT. Në rast të gjetjes së parregullsive, ndëshkimet administrative janë të pashmangshme dhe procedurat vazhdojnë deri në pranimin e raportit nga Administrata Tatimore. Ndërkohë, për 7 prillin, MINT vendosi çmime maksimale prej 1.88 euro për litër naftë, 1.46 euro për litër benzinë dhe 0.74 euro për gaz, me një rritje të çmimit të naftës me 2 cent krahasuar me ditën e mëparshme.