Infrastruktura e Hekurudhave të Kosovës (Infrakos) ka nisur procedurat për një projekt të rëndësishëm investimi me vlerë mbi 2.4 milionë euro, i cili synon përmirësimin e sigurisë në vendkalimet hekurudhore në linjën Prishtinë – Fushë Kosovë – Prizren. Projekti përfshin furnizimin dhe instalimin e shtatë sistemeve automatike të sigurisë në vendkalimet në komunat Fushë Kosovë, Drenas dhe Klinë, duke synuar parandalimin e aksidenteve dhe përmirësimin e kontrollit në pikat ku hekurudha kryqëzohet me rrugët. Kontrata do të realizohet në një marrëveshje kornizë 15-mujore, me kriter dhënien e saj ofertën me çmimin më të ulët, dhe afati i fundit për dorëzimin e ofertave është 20 korriku 2026. Financimi i projektit është plotësisht nga Ministria e Mjedisit, Planifikimit Hapësinor dhe Infrastrukturës dhe pritet të zbatohet gjatë viteve 2026 dhe 2027.