Në një ceremoni të mbajtur të premten, u nënshkrua Marrëveshja e Mirëkuptimit për financimin e projektit të sanimit të kanalit kryesor të ujitjes në Burim të Istogut, me gjatësi 1,574 metra. Ky projekt, i financuar plotësisht nga Ministria e Bujqësisë, Pylltarisë dhe Zhvillimit Rural me një vlerë prej rreth 469 mijë euro, synon rehabilitimin e sistemit kryesor të ujitjes për të rritur efikasitetin në furnizimin me ujë të tokave bujqësore dhe për të përmirësuar kushtet për zhvillimin e bujqësisë dhe prodhimit vendor në zonë.