Kryeministri Hristian Mickoski inspektoi sot investimet e fundit në Drejtorinë për Punë Hidrometeorologjike, ku janë modernizuar kapacitetet teknike, laboratorike dhe hapësinore me një buxhet prej një milion eurosh. Gjatë dy viteve të fundit janë përmirësuar sistemet meteorologjike, hidrologjike dhe laboratorike, duke përfshirë blerjen e pajisjeve moderne laboratorike me vlerë 671.000 euro dhe rikonstruksionin e hapësirave laboratorike dhe zyrtare. Projekti përfshin edhe digjitalizimin e radarit meteorologjik në Gjurishte dhe rinovimin e objekteve në Ohër, Prilep dhe Manastir, duke mundësuar monitorim më të avancuar dhe paralajmërim më të hershëm për dukuritë e rrezikshme të motit. Këto investime janë realizuar me mbështetjen e qeverisë zvicerane, UNDP-së dhe buxhetit shtetëror, duke përmirësuar ndjeshëm kushtet e punës dhe kapacitetet operacionale të institucionit.