Hubert Perr, shefi i Bashkëpunimit të BE-së në Kosovë, ka theksuar rëndësinë e investimeve të qëndrueshme në infrastrukturë në kuadër të përgatitjeve për Lojërat Mesdhetare “Prishtina 2030”. Ai nënvizoi se infrastruktura duhet të jetë e qasshme, e sigurt dhe e menaxhuar mirë, në mënyrë që të shërbejë qytetarëve edhe pas përfundimit të ngjarjes sportive. Perr theksoi se ndërsa Lojërat zgjatin vetëm disa javë, investimet që bëhen për to mund të formësojnë Kosovën për dekada. Sipas tij, ky projekt ka potencialin të rrisë profilin ndërkombëtar të vendit, të krijojë mundësi ekonomike të reja dhe të përshpejtojë investimet në infrastrukturë moderne dhe të qëndrueshme, ku BE-ja do të luajë një rol të rëndësishëm përmes ekspertizës dhe financimeve.