IPKO vazhdoi të mbështesë zhvillimin e tregut të punës në Kosovë duke qenë partner ekskluziv i samitit Power to HR 2026, një platformë kyçe për profesionistët e burimeve njerëzore në rajon. Gjatë samitit dyditor u diskutuan tema si transformimi digjital, zhvillimi i talenteve, lidershipi modern dhe ndërtimi i kulturave organizative të qëndrueshme, ku përfaqësues të IPKO-s ndanë eksperiencat dhe vizionet e tyre. Afrika Zyferi theksoi rëndësinë e përvojës së kandidatëve dhe ndikimin e komunikimit në procesin e rekrutimit, ndërsa Lorida Daci foli për rolin e punëtorëve si ambasadorë të brendit dhe ndërtimin e besueshmërisë përmes kulturës organizative. Fatime Rrahmani u përqendrua në mirëqenien e punonjësve si prioritet strategjik për rritjen e angazhimit dhe performancës, duke konfirmuar angazhimin e IPKO-s për avancimin profesional dhe inovacionin në komunitetin e HR në Kosovë.