Ushtruesja e detyrës së presidentes, Albulena Haxhiu, vizitoi Parkun e Inovacionit dhe Trajnimeve (ITP) në Prizren, duke e përshkruar atë si një qendër kyçe për teknologjinë, inovacionin dhe ndërmarrësinë në Kosovë. ITP ka transformuar një hapësirë prej 40 hektarësh në një ekosistem që lidh biznesin, institucionet dhe akademinë, duke krijuar mundësi të reja për zhvillim ekonomik dhe punësim. Me 50 ndërtesa, 65 biznese aktive dhe rreth 1 mijë studentë e profesionistë që frekuentojnë çdo ditë, ky park është bërë një motor i rëndësishëm i zhvillimit ekonomik të vendit. Brenda ITP-së vepron Makerspace Innovation Center Prizren (MICP), i cili mbështet zhvillimin e aftësive profesionale dhe nxit sipërmarrjen përmes trajnimeve dhe infrastrukturës moderne teknologjike, duke dëshmuar potencialin e Kosovës për një ekonomi të bazuar në dije dhe teknologji.