KEDS ka reaguar pas akuzave të një zyrtari të LDK-së se njehsorët e energjisë elektrike bëjnë matje të pasakta të harxhimeve të qytetarëve. Kompania thekson se matësit kalibrohen dhe sinkronizohen me kohën zyrtare në momentin e vendosjes, duke garantuar siguri maksimale dhe drejtësi në aplikimin e tarifave. Në raste të izoluara mund të ndodhin devijime të vogla teknike, por kohëzgjatja e tarifave të ulëta dhe të larta matet saktë dhe çdo ankesë trajtohet menjëherë nga ekipet teknike të KEDS. Kompania kërkon nga partitë politike dhe palët e tjera që të shmangin deklaratat e pa verifikuara që nuk përkojnë me realitetin.