Korporata Energjetike e Kosovës (KEK) njoftoi se gjatë qershorit 2026 ka arritur të prodhojë 108.2% të kërkesës për energji elektrike, duke tejkaluar konsumin me 8.2%. Gjatë pjesës më të madhe të muajit, pas rikthimit në operim të njësive prodhuese, KEK ka furnizuar mbi 120% të kërkesës ditore, duke siguruar stabilitet dhe siguri energjetike për vendin. Ky sukses është arritur ndërkohë që po zhvillohen investime dhe modernizime të mëdha në kapacitetet prodhuese, duke shënuar një periudhë të rëndësishme për korporatën. Rezultati tregon përparim në operim dhe kontribut të rëndësishëm në garantimin e furnizimit të qëndrueshëm me energji elektrike në Kosovë.