Korporata Energjetike e Kosovës (KEK) ka njoftuar se njësia A4 në Termocentralin Kosova A do të ndalet në mënyrë të kontrolluar sonte rreth orës 00:00, për shkak të problemeve të konstatuara në kondenzator. Kjo ndalje është e domosdoshme për të parandaluar dëmtime më të mëdha teknike dhe për të ruajtur integritetin e njësisë. Aktualisht, KEK operon me tri njësi gjeneruese, duke siguruar furnizim të qëndrueshëm me energji elektrike, ndërsa vazhdon procesin e modernizimit me investime mbi 500 milionë euro për periudhën 2025–2027. KEK thekson se ndërprerjet e kontrolluara janë pjesë e menaxhimit të përgjegjshëm dhe fton opinionin publik të informohet vetëm nga burimet zyrtare të Korporatës.