Korporata Energjetike e Kosovës ka përfunduar unifikimin e evidencave të pronave dhe ka nisur një proces të gjerë reformash për identifikimin, trajtimin dhe mbrojtjen e pronave të saj në të gjithë Kosovën. Përveç komunave ku KEK-u operon tradicionalisht, janë identifikuar prona edhe në zona të tjera si Podujeva dhe Brezovica, duke intensifikuar bashkëpunimin me institucionet lokale për të luftuar uzurpimet dhe për të rikthyer pronat në administrim institucional. Korporata ka bërë thirrje që çdo person apo subjekt që përdor prona pa bazë ligjore të ndërmarrë veprime për lirimin vullnetar të tyre. Ky proces reformues shkon paralelisht me programin më të madh investiv në historinë e KEK-ut, që përfshin modernizimin e njësive gjeneruese dhe zhvillimin e projekteve të energjisë së ripërtëritshme, duke dëshmuar përkushtimin për menaxhim të përgjegjshëm dhe mbrojtje të aseteve publike.